Tökum manntalið...

Gleðilegt árið!

2008-01-04T17:55:00.000Z

Ég vona að allir hafi átt gleðileg jól í faðmi fjölskyldu, vina eða hvar sem þið voruð yfir hátíðirnar.
Ég sendi ykkur öllum mínar bestu óskir um gleðilegt nýtt ár með þökk fyrir óteljandi góðar stundir á liðnum árum. Sérstaklega hittinginn þann 16.júní síðastliðinn. Ég vona bara að það vanti engan í hópinn þegar við hittumst eftir fjögur ár.
Þeir sem detta hérna inn mega endilega segja af sér fréttir.
Ég verð áfram í HÍ á vorönninni. Allir velkomnir í kaffi á Eggertsgötunni ef þið eigið leið í borgina, sláið bara á þráðinn ;)

Og munið svo bara.... :

"Því hversu svo sem mönnum finnast,
fjöllin há ber hins að minnast,
sem vitur maður mælti forðum,
og meitlaði í þessum orðum,
að eiginlega er ekkert bratt...
aðeins mismunandi flatt."

Hittingur

2007-09-19T08:08:00.000Z

Okkur Erlu datt í hug að hafa bekkjarpartý/hitting hérna í borginni við tækifæri.
Við erum alveg nokkur stödd í höfuðstaðnum og ef einhverjir sem eru það ekki dags daglega verða það fyrir tilviljun væri það náttúrulega bara enn betra.
Væri gaman að heyra hvernig fólk tekur í þessa hugmynd og hvenær það væri þá best að hrinda þessu í framkvæmd.

kærlig hilsen,

sirrý

Haustplön?

2007-08-26T04:45:00.000Z

Hvað ætlar fólk að gera í vetur?
Fleiri óléttir?

Ég er að fara í dönsku í HÍ... Hildigunnur, Erla og Elli verða líka í HÍ... fleiri?

2007-08-01T18:29:00.000Z

Takk fyrir síðast!

2007-06-20T00:12:00.000Z

Jæja krakkar mínir,
hversu gaman var þetta?!

Mig langaði bara að segja takk fyrir ótrúlega góða skemmtun og að ég er búin að setja inn nokkrar myndir hjá mér á www.sirrysif.central.is

góða daga!

sumir hafa ekkert breyst! hahaha!

15.júní?

2007-06-07T14:07:00.000Z

Hér eru meiri upplýsingar um kvöldið okkar... allt saman stolið af öðrum síðum á netinu, ég fría mig allri ábyrð

Aðgangseyrir á dansleik eftir borðhald og skemmtiatriði er kr. 2.500

Veislustjórar
Kristján Kristjánsson og Margrét Blöndal.

18:00
Húsið opnað fyrir gestum – boðið upp á fordrykk

19:00
Gestum vísað til sætis. Borðhald hefst; glæsilegur þriggja rétta kvöldverður. Enn liggur ekki endanlega fyrir hvað boðið verður upp á, en það verður upplýst hér um leið og kostur er.

Aðrir liðir á dagskrá
Hátíðarræða 25 ára stúdents – Ólafur Pétur Pálsson frá Höllustöðum.
Skemmtiatriði – flutt af afmælisárgöngum.
Söngsalur – sungið af innlifun undir öruggri stjórn og forsöng Hermanns Arasonar.

23:30
Hljómsveitin Í svörtum fötum stígur á svið og leikur fyrir dansi í sal Hallarinnar.
Á efri hæðinni skemmtir Sælusveitin en hana skipa Hermann Arason og Níels Ragnarsson.

Miðnætti
Að venju fá eins árs stúdentar dansgólfið út af fyrir sig klukkan 12 á miðnætti og kasta hvítu kollunum.

03:00
Dagskránni lýkur.

Nú hefur komið upp sú hugmynd að reyna að fá allan árganginn til að hittast í Kjarna og grilla 15.júní. Hvað finnst fólki um það? Ég held að krakkarnir hafi gert þetta í fyrra og tekist mjög vel upp.

Erla hefur boðið okkur að hittast heima hjá henni áður en við förum niður í höll, þar sem hún býr nálægt höllinni og á stærri íbúð en Óskar hugsa ég að það sé betri kostur. Þá þarf Óskar líka ekki að ráðast í það að laga til ;) Hehe. Ég bý líka í sömu götu svo það ætti að vera auðsótt að fá foreldra okkar Erlu til að skutla niðrí höll ef fólk nennir ekki að labba, er orðið of létt eða er á nýjum, dýrum skóm.

Er ekki ágætt að stefna á að mæta í höllina svona 18:30 og hittast heima hjá Erlu svona 17:00? Þá höfum við tíma til að setjast niður og spjalla, drekka eitt hvítvínsglas/bjór/brennivínsstaup áður en við leggjum í hann niður í höll.

koma svo fólk!

Júbilering 16.júní !

2007-05-29T18:08:00.000Z

Fyrir þá (Palla) sem ekki vita hvað Júbileringin er kemur hér útskýring á því;

Þann 16.júní ár hvert hittast afmælisárgangar frá Menntaskólanum á Akureyri og fagna náðum áföngum. Árs, 5 ára, 10 ára, 15 ára, 20 ára 25 ára (þeir sjá jafnframt um allt skipulag hátíðarinnar sem oftast stendur yfir í 3 daga hjá þeim) og svo eldri stúdentar ef þeir kæra sig um.
Við þetta tækifæri taka eins árs stúdentar niður hvíta kollinn (taka s.s. hvíta efnið af húfunni sinni svo hún verður svört) á miðnætti því þar með er ár liðið frá útskrift okkar og við ekki lengur nýstúdentar. Þá er það frá.

Hér eru upplýsingarnar sem ég hef um atbuðinn enn sem komið er. Ég hvet alla til að mæta því þetta verður án efa mjjööööög skemmtilegt. Við munum reyna að koma saman í heimahúsi (Frikki? Þú átt stórt hús) áður en hátíðin byrjar og fara svo saman í höllina. Eftir því sem ég best veit sitja bekkir saman. Mér þætti a.m.k. skemmtilegast ef við sætum saman og vona að það séu fleiri á þeirri skoðun.

Tekið af heimasíðu Bautans; http://bautinn.muna.is/

Panta miða á MA hátíð

Hér er hægt að panta miða á afmælishátíð MA stúdenta sem fram fer í Íþróttahöllinni á Akureyri 16. júní næstkomandi. Athugið að láta vita fyrir 10. júní ef hætt er við pöntunina. Hægt er að senda tölvupóst á bautinn@bautinn.is eða hringja í 462-1818 til að afpanta miða. Ef ekki er látið vita í tæka tíð verður rukkað fyrir miðana.

Miðaverð er kr. 7.500
Verð fyrir eins árs júbílanta er kr. 4.500

Þeir sem óska eftir grænmetisrétti í stað þess sem boðið er upp á af hefðbundna matseðlinum, eða hafa aðrar sérstakar óskir, t.d. vegna ofnæmis, eru vinsamlega beðnir um að hafa samband við Guðmund Karl á Bautanum í síma 462-1818 eða 897-3818, eða með tölvupósti á netfangið gummi@bautinn.is.

Fyrir ykkur sem eruð að velta fyrir ykkur hversu mikið þið fáið fyrir peninginn þá er þetta bara svipað og útskriftin okkar í fyrra, matur, skemmtiatriði og ball. Bautinn sér um matinn og það er bar. Allir að mæta í sínu fínasta pússi ;)

Ég veit að Lísa og Elli koma ekki. Lísa er í London að meika'ða í nýju vinnunni sinni og Elli er á Miami. Það væri gaman að frétta af fleirum, ég vona að sem flestir ætli sér að mæta.

Svo minni ég bara á að umsóknarfrestur í háskóla landsins (flesta a.m.k.) rennur út núna 5.júní svona fyrir þá sem eru enn að hugsa málið. ;) Nú vil ég fá umræðuna í gang, við þurfum að skipuleggja þetta saman.

Sumarkveðjur í Skagafirðinum í bili.

Sumarplön?

2007-03-08T12:11:00.000Z

Hvað ætlar liðið að gera í sumar?
Eru einhverjir sem koma til með að missa af 16.júní? Eða hreinlega nenna ekki að mæta?
Ég veit reyndar um einn eða tvo nú þegar en ég ætla sko ekki að láta mig vanta. Engin hætta.

...

2006-11-11T00:17:00.001Z

við erum náttúrlega ömurlegir bloggarar! en þrátt fyrir það þá verðum við að hittast fyrir áramót eins og sirrý talaði um. það er eiginlega algjör nauðsyn.

ferðalagið mitt er allt að skýrast, smám saman.
ég fer sumsé út 28. des. flýg þá til london og verð þar í 2 daga. (allir í london.)
þaðan fer ég til new york og verð þar í sirka viku. á torginu góða á gamlárs í milljón stiga frosti og geðveikri stemningu. ég og helga lucie (ferðafélaginn) fáum fría gistingu á besta stað og verðum líklega ansi hressar þarna.
strax í byrjun janúar fer ég svo til perú. það er búið að skrá okkur í málaskóla og hann tekur 2 mánuði og svo tekur við mánuður í sjálfboðavinnu. ég veit ekki enn við hvað ég á að starfa en fæ líklega að vita það eftir helgi.
inni í þessum 3 mánuðum er vonandi ferð til brasilíu þar sem við ætlum á kjötkveðjuhátíðina og jafnvel smá kíkk til bólivíu.
það eina sem ég þarf að ákveða er hvort að ég ætla að eyða páskunum í róm með kærastanum og tengdarfjölskyldu eða fljúga til spánar og þaðan heim til íslands.

æ þetta var nú ekki skemmtilegur pistill. mér leiðist.

dagný.

Mini reunion og jólafríið

2006-10-29T10:16:00.001Z

hiya guys...

það er helst í fréttum að örlítill hluti af 4.F mun sameinast í London þriðju helgina í nóvember. erla hleiður er að fara að heimsækja lísu og ég ætla að skreppa líka. hrefna er náttúrulega þarna líka (býr með lísu fyrir þá sem ekki vita) svo þetta verður fjör.

annað sem við höfum verið að ræða er jólafríið. náum við ekki einhverjum hittingi? þarf ekki einu sinni að vera í heimahúsi (þó það væri gaman að byrja þar) bara að sjá framan í fólk. Ég verð heima alveg milli jóla og nýárs, dagný er eitthvað að flýja land akkúrat þá... einhverjir verða náttúrulega ekki einu sinni á akureyri. anyways... let me know.

Ég er svo kjúríus

2006-08-22T19:05:00.000Z

Ég, Sirrý: Au pair í Glasgow, UK
Hildigunnur: Au pair í Jersay, UK
Sigurður Helgi: Vinna og leigja á Akureyri og undirbúa sig fyrir tónlistarnám í útlandinu
Ásgeir Berg: Heimspeki í HÍ
Jón Ingi: Auðlindadeild HA
Erla Hleiður: Norðurmjólk fram að áramótum og þá hugsanlega Þýskaland
Elvar Örn: Byggingarvinna í Reykjavík
Sigga Ásta: Kennaraháskóli Íslands
Auðbjörg: Bíða eftir bumbubúanum og nema lögfræði í HA þangað til
Hildur: Ljósmyndanám í Svíþjóð
Ari: Lýðháskóli í DK að læra... að vera svalur?
Lísa: Big shot manager í London
Tryggvi: Sagnfræði í HÍ?
Dagný: Vinna og skipuleggja að flytjast til Perú og búa þar með Paddington

Hvað er restin að brasa? Ég hef ekki hugmynd um hvort þetta stenst sem ég hef kastað fram hérna, þetta er bara það sem ég frétti á einum tímapunkti eða öðrum hjá hinum og þessum.

Adios frá Glasgow

Hildigunnur hlussa er lent í Jersey

Glasgow

2006-08-10T10:14:00.000Z

Ég er lent í Glasgow og hef það ótrúlega gott hérna. Þeir sem eiga leið um eru meira en velkomnir í heimsókn... bara bjalla. Hendi inni breska númerinu mínu hérna þegar ég fæ það, sem verður vonandi í dag eða á morgun.

Annars mun ég bara henda inn upplýsingum á mitt blogg :)

Góða daga

Sirrý

2006-08-03T22:45:00.000Z

framtíð dagnýjar: sirrý býður í partí, ég þangað. vonast til að sjá sem flesta og vona að ég muni eftir carminunni þar sem hún var lítið brúkuð á útskriftinni.

ég hefði aldrei trúað því að ég ætti eftir að sakna allra svona mikið... ekki það að mér sé illa við ykkur, þvert á móti. þetta bara tekur meira á en mig grunaði. þess vegna vonast ég til að hitta sem flesta á morgun.

frekara framtíðarplan kemur síðar.
túrilú, dagný.

Hvað ert þú að fara að gera í haust?

2006-07-29T20:22:00.000Z

Það er nú stóra spurningin... ég veit hvað einhverjir eru að fara að gera en ekki nærri því allir. Bætum endilega úr því.

Sjálf er ég að fara sem au-pair til Glasgow í eitt ár. Það verður kveðjupartý hjá mér 4.ágúst sem ykkur er öllum boðið í, bara svona nettur hittingur áður en maður fer í bæinn. Ég bý í Heiðarlundi 7i og endilega komið með Carmínur svo fleiri geti skipst á eiginhandaáritunum. ;)

Ég mun svo fljúga suður að kvöldi 7.ágúst og út til Glasgow með fyrsta flugi úr Leifsstöð þann áttunda. Ég verð að passa þrjár litlar stelpur, þriggja, sex og átta ára. Fjóra daga vikunnar vinn ég frá 11:00 - 18:00 og fer svo í enskutíma eitt kvöld í viku. Ég mun skreppa með fjölskyldunni til Spánar í rúma viku í október, því það vill svo heppilega til að þau eiga þar hús. Jólafríið mitt er svo frá 22.des - 3.jan og hef ég í hyggju að eyða því á Akureyri. Þá verðum við klárlega að plana bekkjarhitting, ikke?

Ég vona bara að það fari að koma e-ð inn hérna um það sem fólk er að fara að gera í haust :) Hlakka til að heyra frá ykkur.

Aloha krakks!

2006-07-28T21:56:00.000Z

Jæja, þetta er tilraun. Ég ætla að fara að breiða út boðskapinn um þessa síðu okkar og reyna að raka inn upplýsingum um hvað fólk er að fara að gera í haust.
Skrifa ekki meira í bili...

Sirrý